၂၀၀၈ ခုနှစ် နှစ်ကုန်ပိုင်း၌ စတင်မိတ်ဆက်အသုံးပြုခဲ့သည့် တစ်ခါသုံးဂျီအက်စ်အမ်ဖုန်းကတ်များကို ယခုတစ်ပတ်အတွင်း ပြန်လည်အသုံးပြုခွင့်ပေးခဲ့ကြောင်း အဆိုပါကတ်များကို မြန်မာ့ဆက်သွယ်ရေးလုပ်ငန်းနှင့် အကျိုးတူ ပူးပေါင်းရောင်းချပေးနေသည့် Elite Tech ကုမ္ပဏီမှတာဝန်ရှိသူ မမြတ်မျိုးပွင့်ကပြောသည်။  

ငါးထောင်တန်ဖုန်းစီမံကိန်းအား အကောင်ထည်ဖော်ဆောင်ရွက်သည့် ရွှေပြည်တံခွန်ကုမ္ပဏီအနေနှင့် မြန်မာ့ဆက်သွယ်ရေးလုပ်ငန်းနှင့် ပူးပေါင်းဆောင်ရွက်ရန် စီစဉ်ထားကြောင်း သတင်းရရှိသည်။ မြန်မာ့ဆက်သွယ်ရေးလုပ်ငန်းသို့ ၎င်းစီမံကိန်းကို ပူးပေါင်းဆောင်ရွက်ရန် တရားဝင်လျှောက်လွှာတင်ထားခြင်းဖြစ်ကြောင်း သိရသည်။  

မိုဘိုင်းဖုန်းလဲလှယ်ပေးခြင်းကို မြန်မာ့ဆက်သွယ်ရေးလုပ်ငန်းက ဆောင်ရွက်ပေးလျက်ရှိရာ ကြွေးကင်းရှင်းကြောင်း ထောက်ခံစာမလိုတော့ကြောင်း သိရှိရသည်။ မိုဘိုင်းဖုန်းများလဲလှယ်ရာ၌ ကြွေးကင်းရှင်းကြောင်း ထောက်ခံစာပါမှသာ လဲလှယ်ခွင့်ပြုမည်ဖြစ်ကြောင်း ပန်းဆိုးတန်းအိတ်ချိန်းရုံးတွင် ကြော်ငြာစာကပ်ထားသည်ကိုတွေ့ရသည်။