မိုဘိုင်းဖုန်းအမြင့်ပိုင်းဖုန်းများတွင် ဘက်ထရီစွမ်းရည်ကုန်ဆုံးမှု လျင်မြန်လျက်ရှိကြောင်း သုံးစွဲသူများ၏ပြောပြချက်များအရ သိရှိရသည်။ ထိုသို့ဖြစ်ခြင်းမှာဘက်ထရီ မကောင်းမွန်မှုကြောင့်မဟုတ်ဘဲ ဖုန်းထဲတွင်ရှိသောစနစ်များမှ စွမ်းအင်သုံးစွဲမှုများခြင်းကြောင့်ဖြစ်ကြောင်း သိရှိရသည်။

Read more...

Notebook အပါအ၀င် ကွန်ပျူတာနှင့်ဆက်စပ်ပစ္စည်းများအနေဖြင့် ဈေးနှုန်းကျဆင်းလျက်ရှိရာမှ လွန်ခဲ့သည့် ရက်သတ္တပတ်နှစ်ပတ်ခန့်မှစ၍ ဈေးနှုန်းများ ရုတ်ချည်းပြန်လည်မြင့်တက်သွားကြောင်း ကွန်ပျူတာဈေးကွက်အတွင်းမှ စုံစမ်းသိရှိရသည်။

Read more...

EC-Council မှစစ်ဆေးသည့် အိုင်တီနည်းပညာဆိုင်ရာစာမေးပွဲများ မကြာမီတွင် ပြည်တွင်း၌ဖြေဆိုနိုင်တော့မည်ဖြစ်ကြောင်း အွန်လိုင်းစာဖြေဌာနတစ်ခုမှသိရှိရသည်။
“အိုင်တီပညာရှင်များအကြား ဖြေဆိုခွင့်ရရှိရန် အားခဲထားတဲ့ နာမည်ကြီး Certified Ethical Hacker (CEH) အပါအ၀င် EC-Council မှစစ်ဆေးပေးတဲ့ စာမေးပွဲ (၄) မျိုးကို ဇူလိုင်လမှ စတင်ဖြေဆိုနိုင်တော့မှာဖြစ်ပါတယ်။

Read more...

ကုမ္ပဏီ၊ စက်ရုံ၊ အလုပ်ရုံများတွင် လုံခြုံရေးအတွက် CCTV Camera များကိုအသုံးပြုလျက်ရှိရာ ယခုအခါတွင် Alarm စနစ်တစ်ပါတည်းပါဝင်သော CCTV Camera များနှင့်တွဲသုံးရသည့် နည်းပညာသစ် DVR Card တစ်မျိုး ပြည်တွင်းသို့ဝင်ရောက်လာကြောင်းသိရသည်။
အဆိုပါ DVR Card သည် ယခင်က 8 Channel အထိသာအသုံးပြုနိုင်ပြီး ယခုဝင်ရောက်လာသော card မှာ ၁ကဒ်လျှင် 8 channel ဖြင့် ၃ ကတ်စိုက်သုံးပါက Maximum (24) channel အထိ အသုံးပြုနိုင်ကြောင်းသိရသည်။
“ယခုဝင်ရောက်လာတဲ့ Card ရဲ့ Record System က Hard-disk မှာနေရာယူတာ အရမ်းသက်သာပါတယ်။ Recording လုပ်တဲ့အခါမှာ ၂ လကျော်အထိလုပ်ထားနိုင်ပါတယ်။ Record လုပ်ပြီး ဖိုင်တွေကိုသိမ်းဆည်းတဲ့အခါမှာ MPEG-4 format နဲ့သိမ်းဆည်းပေးပါတယ်။ နောက်တစ်ချက်က card ထဲမှာတင် Alarm System တစ်ခုဖြစ်တဲ့ Motion Detection System Built-in ပါဝင်လာပါတယ်။ အရင်တုန်းက Motion Detection System ကိုအသုံးပြု ချင်တယ်ဆိုရင် သပ်သပ်ဝယ်ပြီး အသုံးပြုရပါတယ်။ Motion Detection System ဆိုတာက ကိုယ်က အရေးကြီးတဲ့မီးခံသေတ္တာပဲဖြစ်ဖြစ်၊ မသွားစေလိုတဲ့နေရာကိုပဲဖြစ်ဖြစ်၊ ကွန်ပျူတာမှာ Motion area ဆွဲထားပေးရပါတယ်။ လူတစ်ယောက်ယောက်က ကိုယ်ဆွဲထားတဲ့ Motion area ထဲကိုဝင်ရောက်သွားပြီဆိုရင် Alarm ထပေးမှာဖြစ်ပါတယ်” ဟု TT Engineering Service မှတာဝန်ရှိသူ ကိုထွန်းထွန်းဇော်မှ အင်တာနက်ဂျာနယ်သို့ပြောသည်။
“CCTV“ ကင်မရာကနေ ရိုက်ယူမဲ့ Record ကိုဘယ်နေ့၊ ဘယ်အချိန်မှာလုပ်မယ်ဆိုတာကို Schedule ဆွဲထားလို့ရပါတယ်။ Record လုပ်ထားတာတွေကိုပြန်ကြည့်တဲ့အခါမှာ ဆော့ဖ်ဝဲနဲ့ကြည့်လို့ရသလို Windows Media Player  နဲ့လည်း ကြည့်လို့ရပါတယ်။ တစ်ချို့သောကတ်တွေက သူ့ရဲ့ဆော့ဖ်ဝဲမရှိဘူးဆိုရင်ဖွင့်လို့မရပါဘူး။ ဓါတ်ပုံရိုက်ကူးနိုင်သလို အဆိုပါဓါတ်ပုံကို Print ထုတ်ယူနိုင်ပါတယ်” ဟု ၎င်းမှထပ်မံပြောကြားခဲ့သည်။
စက်ရုံတည်ရှိရာနေရာနှင့် ရုံးချုပ်တည်ရှိနေရာဝေးကွာသော်လည်း အင်တာနက်ဆက်သွယ်မှုလိုင်းရှိပါက အဆိုပါနည်းပညာကိုအသုံးပြုနိုင်ကြောင်းသိရသည်။
“အင်တာနက်ကွန်ရက် ဆက်သွယ်မှုရှိတဲ့သူတွေအနေနဲ့လည်း ဒီနည်းပညာကိုအသုံးပြုနိုင်ပါတယ်။ အင်တာနက်ကနေတဆင့် အသုံးပြုတဲ့အခါမှာ လုံခြုံမှုရှိဖို့အတွက် ဆော့ဖ်ဝဲတွေရှိသလို၊ Username နဲ့ Password  ပေးထားပြီးလည်း အသုံးပြုလို့ရပါတယ်” ဟု၎င်းမှ ထပ်မံပြောကြားခဲ့သည်။
ကင်မရာမှာမြင်ရသော ရုပ်ထွက်ကောင်းမွန်ရန်အတွက် Camera ကောင်းကောင်းအသုံးပြုရန် လိုအပ်ပြီး၊ အင်တာနက်ကွန်ရက်ဖြင့် အသုံးပြုလိုသူများအနေဖြင့် အင်တာနက်မြန်နှုန်းမြင့်ရန်လိုကြောင်း သိရသည်။ အထက်ပါနည်း ပညာအတွက် DVR Card ကိုသာ အဓိကထားရောင်းချပေးပြီး၊ ကင်မရာကိုကိုယ်တိုင်ဝယ်ယူနိုင်သလို အဆိုပါကုမ္ပဏီတွင်လည်း ၀ယ်ယူနိုင်ကြောင်းသိရသည်။ Installation အပြီးအစီးတပ်ဆင်ဆောင်ရွက်ပေးပြီး DVR Card  အတွက် Warranty ပေးထားသော ၁ နှစ်ကျော်သွားပါက Service အတွက် စာချုပ်ထပ်မံချုပ်ဆိုနိုင်ကြောင်းသိရသည်။ DVR Card ကို စင်ကာပူနိုင်ငံမှတင်သွင်းထားပြီး ၀ယ်ယူအသုံးပြုလိုသူများအနေဖြင့် TT Engineering Service ဖုန်း-682053, 095174322 သို့ ဆက်သွယ်စုံစမ်းဝယ်ယူနိုင်ကြောင်း သိရသည်။

Read more...

ကမ္ဘာ့ဒုတိယအကြီးဆုံးနှင့် အာရှအကြီးဆုံးနည်းပညာပြပွဲတစ်ခုဖြစ်သော Computex Taipei 2009 သို့ သက်ဆိုင်ရာပင်မကုမ္ပဏီများ၏ ဖိတ်ကြားချက်အရ မြန်မာနိုင်ငံရှိ တစ်ဦးတည်းဖြန့်ချိခွင့် တ ရားဝင်ကိုယ်စားလှယ်ကုမ္ပဏီများမှတာဝန်ရှိသူများ တက်ရောက်လေ့လာခဲ့ကြကြောင်းသိရသည်။
ဇွန်လ ၂ ရက်နေ့မှ ဇွန်လ ၆ ရက်နေ့အထိ တရုတ် (တိုင်ပေ) ၌ကျင်းပခဲ့သော ၎င်းနည်းပညာပြပွဲတွင် ပြပွဲဝင်ကုမ္ပဏီပေါင်း ၁၇၀၀ ကျော်တို့ ပါဝင်ပြသခဲ့ကြရာ အဆိုပါကုမ္ပဏီများမှ မြန်မာနိုင်ငံရှိ ၎င်းတို့၏ ဖြန့်ချိရေးကိုယ်စားလှယ်များကို တရားဝင်ဖိတ်ကြားခဲ့ခြင်းဖြစ်ကြောင်း သိရသည်။
၎င်းပြပွဲသို့ Acer, ASUS, MSI စသည့် ပြင်ပကုမ္ပဏီများ၏ ဖြန့်ချိရေးကိုယ်စားလှယ်ကုမ္ပဏီများ တက်ရောက်ခဲ့ခြင်းဖြစ်ပြီး Acer ၏ မြန်မာနိုင်ငံတစ်ဦးတည်းကိုယ်စားလှယ် ရွှေလမင်းနဂါးကုမ္ပဏီမှဒါရိုက်တာ၊ ASUS ၏ မြန်မာနိုင်ငံတစ်ဦးတည်းဖြန့်ချိခွင့် တရားဝင်ကိုယ်စားလှယ် Golden Power Technology ကုမ္ပဏီမှ တာဝန်ရှိသူများနှင့် MSI ၏ တစ်ဦးတည်းဖြန့်ချိခွင့်ကိုယ်စားလှယ် Smart Computer Technology ကုမ္ပဏီမှဒါရိုက်တာ စသူတို့ သွားရောက်ခဲ့ကြကြောင်းသိရသည်။
“အာရှအကြီးဆုံးနည်းပညာပြပွဲဖြစ်တာနဲ့အညီ ပြပွဲမှာပါဝင်ပြသကြတဲ့ ကုမ္ပဏီတွေအနေနဲ့လည်း မိမိတို့ရဲ့ နောက်ဆုံးပေါ်နည်းပညာထုတ်ကုန်တွေကို အပြိုင်ပြသခဲ့ကြပြီး Best Prize, The Most Popular Prize တွေကိုပါ ပေးခဲ့ကြပါတယ်။ ပြပွဲရဲ့ Organizers အနေနဲ့ Taiwan External Trade Development Coucil (TAITRA) နဲ့ Taipei Computer Association (TCA) တို့ဖြစ်ပြီး ပြပွဲဝင်ကုမ္ပဏီပေါင်း ၁၇၁၂ ခုတို့က ပြခန်းပေါင်း ၄၄၉၈ ခန်းပါဝင်ပြသခဲ့ကြပါတယ်” ဟု Smart Computer Technology မှဒါရိုက်တာ ဦးအောင်အောင်က ၎င်း၏အတွေ့အကြုံကိုပြောသည်။
၎င်းပြပွဲကို တစ်နှစ်တစ်ကြိမ်ကျင်းပခြင်းဖြစ်ပြီး Intel, Microsoft စသည့် နည်းပညာကုမ္ပဏီများပါ ၀င်ရောက်ပြသကြကြောင်းနှင့် သက်ဆိုင်ရာနှစ်အလိုက် ထုတ်ကုန်အသစ်များပြသခြင်း၊ ဆုချီးမြှင့်ခြင်းများကို ပြုလုပ်ပေးကြောင်း သိရသည်။

Read more...

ဒီဇိုင်းလှပပြီး backup ဆော့ဖ်ဝဲပါဝင်တဲ့ portable hard drive တွေကို Toshiba ကုမ္ပဏီကထုတ်လုပ်လိုက်ကြောင်း သိရပါတယ်။ ဒီ hard drive တွေကို 500 GB နဲ့  320 GB ဆိုပြီး ရရှိနိုင်ပါတယ်။ အစိမ်းရောင်နဲ့ အပြာရောင်နှစ်မျိုး ရရှိနိုင်ပြီး 500 GB အတွက် အမေရိကန်ဒေါ်လာ ၁၅၀ ကျသင့်မှာဖြစ်ပြီး 320 GB အတွက် အမေရိကန်ဒေါ်လာ ၁၂၀ ကျသင့်မှာဖြစ်ပါတယ်။

Read more...

လျှပ်စစ်မီးမရှိတဲ့နေရာတွေကိုသွားခဲ့လျှင် ဖုန်းသုံးဖို့အတွက် လျှပ်စစ်ဓါတ်အားရရှိရေးပူပန်နေရတာတွေကို ဒီခရီးဆောင် ဆိုလာဓာတ်အားဖြည့်ပစ္စည်းလေးက ကူညီပေးမှာပါ။

Read more...

ဒီဇိုင်းလှလှလေးတွေနဲ့ အမြင်ဆန်းဆန်း လှပစွာနေထိုင်လိုသူတွေအတွက်ရည်ရွယ်ပြီး ဒီစပီကာလေးကို ထုတ်လုပ်လိုက်တာဖြစ်ပါတယ်။

Read more...

Iomega လို့အမည်ပေးထားတဲ့ Hard disk (HDD) လေးကတော့ Mac ကွန်ပျူတာတွေမှာသုံးစွဲနိုင်မည့် Portable HDD လေးပါ။ HDD ကို ကွန်ပျူတာရှိ USB 2.0, FireWire 400 နဲ့ FireWire 800 တို့နှင့်တွဲဆက်ပြီးသုံးနိုင်ပါတယ်။

Read more...

အရွယ်အစားသေးငယ်ပြီး စွမ်းဆောင်ရည်မြင့်မားလာသော SATA 2 Hard disk များ ပြည်တွင်းဈေးကွက်သို့ဝင်ရောက်လာဖွယ်ရှိကြောင်း ဈေးကွက်အတွင်းမှသိရှိရသည်။
အဆိုပါ SATA 2 Hard disk များသည် ယခုလက်ရှိဈေးကွက်အတွင်း၌ရှိသော SATA 1 hard disk ထက်အရွယ်အစားသေးငယ်ပြီး Floppy disk အရွယ်အစားသာရှိပြီး အထူမှာယခုလက်ရှိ SATA, Hard disk အထူအတိုင်းသာရှိ ကြောင်းသိရှိရသည်။
“လက်ရှိဈေးကွက်ထဲမှာက SATA, Hard disk တွေပဲ ၀င်ရောက်နေပါသေးတယ်။ နောက်တမျိုးက e-SATA Hard disk ပါ။ Harddisk e-SATA ဆိုတာက External Hard disk အနေနဲ့ အသုံးပြုတဲ့အမျိုးအစားတစ်ခုပါ။ အရင်တုန်းက Desktop ကွန်ပျူတာတစ်မျိုးမှာ Hard disk တပ်ဖို့ဆိုပြီး Floppy အရွယ်အစားရှိတဲ့ အပေါက်တစ်ပေါက်မပါလာဘူး။ ဒါပေမဲ့ဈေးကွက်ထဲမှာက SATA 2 လို Hard disk တွေမရှိတဲ့အခါမှာ အဲဒီအပေါက်နေရာမှာ Hard disk ကိုမသုံးဖြစ်ဘူး။ SATA 2 Hard-disk နဲ့တွဲသုံးဖို့ Motherboard တွေကလည်း ဈေးကွက်ထဲကိုဝင်ရောက်နေပြီဖြစ်ပါတယ်။ နောက်ဆုံးဝင်ရောက်ထားတဲ့ Motherboard တွေမှာ SATA 1 ရော SATA 2 (2) မျိုးလုံးကိုပါ အ သုံးပြုလို့ရပါတယ်” ဟု T-Land ကွန်ပျူတာအရောင်းစင်တာမှ တာဝန်ရှိသူတစ်ဦးက အင်တာနက်ဂျာနယ်သို့ပြောသည်။
“ဈေးကွက်ထဲကို SATA 2 Hard disk တွေဝင်ရောက်လာပြီဆိုပေမယ့် ဈေးကွက်ထဲစရောက်ရောက်ခြင်းမှာ ကျွန်တော်တို့မတင်သွင်းသေးပါဘူး။ ပစ္စည်းက ဈေးကွက်ထဲပေါ်ပြူလာဖြစ်နေတဲ့အချိန်မှာ ဈေးနှုန်းကအရမ်းကိုမြင့်ပါ တယ်။ လူသုံးများလာတဲ့အချိန်မှာဆိုရင်တော့ ဈေးနှုန်းတွေကကျသွားမယ်။ ဈေးနှုန်းကျသွားတဲ့အချိန်မှာတော့ ဈေးကွက်ထဲကိုတင်သွင်းသွားမှာဖြစ်ပါတယ်” ဟု KMD ကွန်ပျူတာအရောင်းစင်တာမှ တာဝန်ရှိသူတစ်ဦးက အင်တာနက်ဂျာနယ်သို့ပြောသည်။
မြန်မာပြည်ဈေးကွက်အတွင်းသို့ နောက်ဆုံးဝင်ရောက်ပြီးဖြစ်သော SATA 1 Hard disk များ၏ Back Speed မှာ 1.5 Gb/s ဖြစ်ပြီး rpm မှာ ၇၂၀၀ ဖြစ်ပြီး Data transfer rate မှာ 10 Mb Cache ဖြစ်ကြောင်းသိရသည်။ နောက်ပိုင်းဝင်ရောက်လာမည့် SATA 2 Hard disk များ၏ Back Speed 3.0 Gb/s ဖြစ်ကြောင်း ထပ်မံသိရှိရသည်။
ကွန်ပျူတာဈေးကွက်အတွင်းသို့ နည်းပညာမြင့် Motherboard များ များစွာဝင်ရောက်လျက်ရှိပြီး အဆိုပါ Motherboard တွင် SATA 1 နှင့် SATA 2 (2) မျိုးစလုံးအသုံးပြုနိုင်သည့်အတွက် ဈေးကွက်အတွင်း SATA 2 Hard disk  များ ၀င်ရောက်လာပါကလည်း အဆင်ပြေစွာအသုံးပြုနိုင်မည်ဖြစ်ကြောင်း ထပ်မံသိရှိရသည်။

Read more...