April 28, 2017

ဆင်းမ်ကတ်မှတ်ပုံတင် ဈေးကွက်

ဆင်းမ်ကတ်မှတ်ပုံတင်ရန်အတွက် ရက်ပိုင်းသာလိုတော့သည့် အချိန်တွင် ဈေးကွက်တစ်ခု တွင်ကျယ်လာသည်။ ယင်းမှာ မိုဘိုင်းဖုန်းဆင်းမ်ကတ်များအား မှတ်ပုံတင်ပေးသည့်ဈေးကွက်ဖြစ်သည်။ ဆက်သွယ်ရေးညွှန်ကြားမှုဦးစီးဌာနက ဆင်းမ်ကတ်များမှတ်ပုံတင်ရန်ကြေညာပြီးသည့်နောက်ပိုင်းတွင် အဆိုပါဈေးကွက်မှာ ပေါ်ပေါက်ခဲ့သော်လည်း ယခုလောက်ထိ ဈေးကွက်မတွင်ကျယ်သေးချေ။

“ဆိုင်တွေများလာမှန်း သတိထားမိတာကတော့ တစ်လလောက် အလိုမှာပါ၊ မတ်လ ၃၁ ရက် နောက်ဆုံးထားပြီး မှတ်ပုံတင်ရမယ်ဆိုတော့ ဒီလအစကနေပြီး ဆိုင်လေးတွေတိုးလာတာတွေ့တယ်၊ ကိုယ်တိုင်တော့မလုပ်ဖြစ်ပေမယ့် ကိုယ့်ဘေးကဆိုင်၊ ရှေ့ကဆိုင်တွေမှာ ဝန်ဆောင်မှုပေးနေတာ တွေ့ရတယ်” ဟု ကမာရွတ်မြို့နယ်ရှိ မိုဘိုင်းဝန်ဆောင်မှုလုပ်ငန်းလုပ်ကိုင်သူ ကိုစိုးမိုး (အမည်လွှဲ) ကပြောသည်။ ဆင်းမ်ကတ်များကို မှတ်ပုံတင်ပေးခြင်းအတွက် ဝန်ဆောင်ခမှာ ကျပ် ၅၀၀ ဖြစ်သည်။ ဆင်းမ်ကတ်များကို သက်ဆိုင်ရာ အော်ပရေတာများ၏ကိုယ်စားလှယ်ဆိုင်များ၊ Brand Shop များတွင် အခမဲ့သွားရောက် မှတ်ပုံတင်နိုင်သော်လည်း လူတန်းစီစောင့်ဆိုင်းရခြင်း၊ အချိန်တစ်ခုသပ်သပ် ပေးရခြင်းအတွက် အခပေးစနစ်ဖြင့် ဝန်ဆောင်မှုပေးနေသည့် ဆိုင်များတွင် သွားရောက်ပြုလုပ်ခြင်း ဖြစ်သည်ဟု အင်းစိန်မြို့နယ်တွင် နေထိုင်သူ ကိုမောင်မောင်ညွှန့်က ပြောသည်။

ထိုသို့ ဆင်းမ်ကတ်မှတ်ပုံတင်ခြင်းအား ဆင်းမ်ကတ်တစ်ခုလျှင် ၅၀၀ ကျပ်ဖြင့် ဝန်ဆောင်မှုပေးနေ ခြင်းကို ကုန်စုံဆိုင်၊ ဆေးဆိုင်၊ မိုဘိုင်းဖုန်းဆိုင်ကဲ့သို့သော နေရာများတွင်တွေ့ရသည်။ ဆိုင်ရှိသက်ဆိုင်ရာ ဝန်ထမ်းတစ်ဦးမှ မိုဘိုင်းဖုန်းတစ်လုံးချင်းစီ (ဆင်းမ်ကတ် တစ်ခုချင်းစီ) ကို ဆောင်ရွက်ပေးနေပြီး များသောအားဖြင့် App မှ တစ်ဆင့်ဆောင်ရွက်နေကြောင်း တွေ့ရသည်။ “လုပ်ပေးတဲ့သူက အချိန်တစ်ခုပေးပြီး လုပ်ပေးရတဲ့ အတွက် ဝန်ဆောင်ခတစ်ခု သတ်မှတ်ယူတယ်။ လုပ်တဲ့သူကလည်း ကျေနပ်စွာနဲ့လုပ်တယ်၊ နှစ်ဦးနှစ်ဖက်လည်းအဆင်ပြေတယ်” ဟု ကိုမောင်မောင်ညွှန့်ကဆိုသည်။

ပို့ဆောင်ရေးနှင့် ဆက်သွယ်ရေးဝန်ကြီးဌာန၊ ဆက်သွယ်ရေး ညွှန်ကြားမှုဦးစီးဌာန၏ ညွှန်ကြားချက်အရ ဆင်းမ်ကတ်အားလုံး မှတ်ပုံတင်ထားရမည်ဖြစ်သည်။ ဆက်သွယ်ရေးဝန်ဆောင်မှုကုမ္ပဏီများအားလုံးကို ၂၀၁၇ ခုနှစ် မတ်လ ၃၁ ရက်နေ့မတိုင်မီ သုံးစွဲသူများ၏ ဆင်းမ်ကတ်အားလုံးကို မှတ်ပုံတင်ထားရန်လည်း ညွှန်ကြားထားပြီး ဖြစ်ကြောင်း ထုတ်ပြန်ထားသည်။

သက်ဆိုင်ရာအော်ပရေတာများ၏ ဆိုင်များတွင် အခမဲ့မှတ်ပုံတင်နိုင်သော်လည်း မည်သည့် အတွက်ကြောင့် ၅၀၀ ပေး၍မှတ်ပုံတင်ရပါသလဲဆိုသည့်မေးခွန်းကို အခပေးဆင်းမ်ကတ်လာရောက် မှတ်ပုံတင်သူ ၇ ယောက်အား အင်တာနက်ဂျာနယ်မှ မေးမြန်းခဲ့ရာ အော်ပရေတာများ၏ သက်ဆိုင်ရာဆိုင်သို့ တကူးတကမသွားရောက်လို၍၊ တန်းမစီလို၍ App မသုံးတတ်၍၊ မိမိဘာသာလျှောက်ရာအဆင်မပြေ၍ဟု ဖြေကြားခဲ့ကြသည်။

သို့သော်လည်း ဆင်းမ်ကတ် မှတ်ပုံတင်ရန်အတွက် ရိုးရှင်းလွယ်ကူသည့် အချက်များသာ လိုအပ်သည်ဟုအော် ပရေတာများက ထုတ်ပြန်ထားသည်။ ဆင်းမ်ကတ်ကို မဖြစ်မနေမှတ်ပုံတင်ထားရန် လိုအပ်ကြောင်း၊ မှတ်ပုံတင်ထားခြင်းမရှိပါက နိုင်ငံတော်အစိုးရက ချမှတ်ထားသည့်စည်းမျဉ်းစည်းကမ်းများနှင့် ကိုက်ညီမှုမရှိသည့် အတွက် သက်ဆိုင်ရာဆက်သွယ်ရေး ဝန်ဆောင်မှုကုမ္ပဏီများက ပေးအပ်ထားသည့် မိုဘိုင်းဆက်သွယ်ရေး ဝန်ဆောင်မှုများ ပြတ်တောက်သွားမည်ဖြစ်ပြီး ဆင်းမ်ကတ်မှတ်ပုံတင်ပြီးမှသာပြန်လည် ရရှိမည်ဟုဆိုသည်။

“အွန်လိုင်းမှ ကိုယ်တိုင်မှတ်ပုံတင်သွင်းနိုင်တဲ့ မိုဘိုင်းအပလီကေးရှင်း၊ ၀က်ဘ်ဆိုက်၊ Short code သို့မဟုတ် သက်ဆိုင်ရာ အရောင်းဆိုင်တွေကနေ တစ်ဆင့် မှတ်ပုံတင်နိုင်မှာဖြစ်ပါတယ်။ အမည်၊ နိုင်ငံသားစိစစ်ရေးကတ်ပြား အမှတ်၊ နိုင်ငံခြားသားအတွက် နိုင်ငံကူးလက်မှတ်၊ ယာဉ်မောင်းလိုင်စင်အမှတ်၊ အခြားသက်သေခံကတ်ပြားအမှတ် စတာတွေထဲက တစ်ခုခုလိုအပ်မှာဖြစ်ပါတယ်။ ဒါ့အပြင် လိပ်စာကိုလည်းဖြည့်စွက်နိုင်က ဖြည့်စွက်ပေးဖို့လိုတယ်” ဟု အော်ပရေတာများ၏ သတင်းထုတ်ပြန်ချက်များကဆိုသည်။ ထိုသို့ ၅၀၀ ကျပ်ဖြင့် ဆင်းမ်ကတ် မှတ်ပုံတင်လာရောက်သူများမှာ အိမ်ရှင်မများ၊ ရပ်ကွက်အတွင်းသာ အလုပ်လုပ်နေရသူများ အများဆုံးတွေ့ရပြီး အချို့မှာလည်း ကုမ္ပဏီဝန်ထမ်းများ ပါဝင်သည်ကိုတွေ့ရသည်။

ဆင်းမ်ကတ် မှတ်ပုံတင်ရာတွင်  သက်သေခံကတ်ပြားကိုအရှေ့နှင့် ကျောဘက်မိတ္တူကို ပေးပို့ရမည်ဖြစ်သည်။ စာချုပ်ဖြင့် ဝယ်ယူထားသည့်ဆင်းမ်ကတ်များကိုလည်း မှတ်ပုံတင်ခြင်းပြုလုပ်ရမည်ဖြစ်သည်။ ဆင်းမ်ကတ်ဝယ်ယူထားသည့်စာချုပ်မှာ မိမိနာမည်နှင့်ဖြစ် ပါကလည်း ဆင်းမ်ကတ်မှတ်ပုံ တင်ရမည်ဖြစ်သည်။ အော်ပရေတာများအနေဖြင့် ဆင်းမ်ကတ် မှတ်ပုံတင်နိုင်ရန် နည်းလမ်းအမျိုးမျိုးဖြင့် ဆောင်ရွက်ပေးနေသည် ကိုတွေ့နိုင်မည်ဖြစ်သည်။ ရုပ်သံကြော်ငြာများမှတစ်ဆင့် လည်းကောင်း၊ အွန်လိုင်းမှလည်းကောင်း၊ ပုံနှိပ်မီဒီယာများမှတစ်ဆင့်လည်းကောင်း ဆင်းမ်ကတ်အခမဲ့ မှတ်ပုံတင်ရန် နှိုးဆော်ထားသည်။

မိုဘိုင်းဖုန်းနှင့် အသုံးပြုရသည့် မိုဘိုင်းငွေကြေးနှင့် မိုဘိုင်းဘဏ် အစီအစဉ်များ ပြည်တွင်းတွင်စတင် ခေတ်စားလာပြီဖြစ်သည့်အတွက် သုံးစွဲသူများအနေဖြင့် လုံခြုံစိတ်ချစွာ အသုံးပြုနိုင်ဖို့ မိုဘိုင်းဖုန်းလုံခြုံရေးကို အထူးဂရုပြုသင့်ကြောင်း၊ ထို့ကြောင့် ဆက်သွယ်ရေးညွှန်ကြားမှုဦးစီးဌာနက မိုဘိုင်းဖုန်းသုံးစွဲသူများအားလုံးကို ဆင်းမ်ကတ်မှတ်ပုံတင်နိုင်ရန် ကြေညာချက် ထုတ်ပြန်ခဲ့ကြောင်း၊ သုံးစွဲသူများ ဆင်းမ်ကတ်မှတ်ပုံတင်ခြင်းအတွက် ရရှိနိုင်သည့်အကျိုးရလဒ်များမှာ မိမိတို့၏မိုဘိုင်းဖုန်းကို လုံခြုံစိတ်ချစွာအသုံးပြုနိုင်မည်ဖြစ်ပြီး မိမိတို့၏ ကိုယ်ပိုင်ဆင်းမ်ကတ်ကို အခြားသူအလွဲသုံးစားပြုလုပ်ခြင်းမှ ကာကွယ်နိုင်မည်ဖြစ်ကြောင်း အော်ပရေတာအချို့ကပြောကြားထားသည်။

ဆင်းမ်ကတ်အမျိုးအစားသုံး မျိုးကိုမှတ်ပုံတင်ရမည်ဖြစ်ပြီး MPT ၏ ဆင်းမ်ကတ်များ၊ Ooredoo ၏ဆင်းမ်ကတ်များနှင့် Telenor ၏ ဆင်းမ်ကတ်များဖြစ်သည်။ “MPT ဆိုင်တွေမှာလည်း ဆောင်ရွက်ပေးနေတယ်၊ ဘဏ်တွေကလည်း ဆောင်ရွက်ပေးနေပါတယ်။ Application နဲ့လည်းဆောင်ရွက်ထားတယ်၊ စနေ၊ တနင်္ဂနွေမှာလည်း လုပ်လို့ရအောင်ဆောင်ရွက်ထားပါတယ်၊ ဆင်းမ်ကတ်မှတ်ပုံတင်တဲ့ကိစ္စဟာ အားလုံးပူးပေါင်းဆောင် ရွက်ရမယ့်ကိစ္စတစ်ရပ်ဖြစ်တယ်” ဟု MPT ၏ CEO Toshitake AMAMIYA (CEO, Joint Operation) က အင်တာနက်ဂျာနယ်နှင့် တွေ့ဆုံရာတွင်ပြောကြားခဲ့ဖူးသည်။

ဆိုင်များတွင် အခကြေးငွေဖြင့် လာရောက်မှတ်ပုံတင်သူများတွင် ဆင်းမ်ကတ်အသုံးပြုသူကိုယ်တိုင် မဟုတ်ဘဲ ကိုယ်စားလာရောက် ဆောင်ရွက်သူများကြောင်း၊ မှတ်ပုံတင်မိတ္တူဖြင့်လာရောက်ဆောင် ရွက်ခြင်းများကြောင့် ဆိုင်အချို့ထံမှမေးမြန်းသိရှိရသည်။

“အလွယ်တကူမှတ်ပုံတင်ဖို့ အတွက် Facebook massanger ကနေလည်း လုပ်ပေးတာမျိုးလည်း ရှိတယ်၊ Live Chat တွေကနေ လုပ်ပေးနေတယ်၊ နောက်ဆုံး SMS လေးပို့ပြီးမှတ်ပုံတင်တာနဲ့ ပတ်သက်တာမျိုး မေးမြန်းလို့ရပါ တယ်၊ အော်ပရေတာတွေအနေနဲ့က ဘက်စုံထောင့်စုံကနေ အဆင်ပြေအောင်လုပ်ပေးထားတယ်၊ အခမဲ့မှတ်ပုံတင်နိုင်တယ်၊ ဒါပေမဲ့ ၅၀၀ ကျပ်နဲ့ ဆိုင်မှာဆင်းမ်ကတ်မှတ်ပုံတင်တာမျိုးကျတော့ သုံးစွဲသူတွေရဲ့ရွေးချယ်မှုပါပဲ” ဟုအော်ပရေတာတစ်ခု၏ ဆက်သွယ်ရေး အရာရှိဖြစ်သူကပြောသည်။